54-мӗш кӗлӗ

Эпӗ ҫылӑха кӗтӗм пулсан, эй, Турӑ, Тур папай, эпӗ ҫылӑха кӗтӗм пуль, ытлашши калаҫса ҫылӑха кӗтӗм пуль, вӑрӑ вӑрласа ҫылӑха кӗтӗм пуль, кирлӗ-кирлӗ мар ҫынпа усал калаҫрӑм пуль. Мӗнле пулсан та каҫар мана, хӗн-асап ан пар, ҫӑмӑллӑх парса тӑр. Эй, Турӑ, Тур папай, ан пӑрах мана, эпӗ те Тур ачи, Турӑ, ҫӑл. Пули-пулми ҫынпа ан хутшӑнтар, ан вӑрҫтар. Кирлӗ-кирлӗ мар усал ҫын ҫумне ан яр.