476-мӗш кӗлӗ

Ҫул вупкӑнӗ, ҫул ӑншӑрчӗ, ҫул хаярӗ, мана усал ан тӑвӑр. Сире ӗҫме- ҫиме паратӑп, хамран уйӑрса яратӑп. Эпӗ сан хуҫу мар.

Ҫакна каланӑ чух ҫӑкӑр сӑмсине тӑвар сапса чирленӗ ҫын пуҫӗ тавра йӗри-тавра ҫавӑраҫҫӗ. Унтан ҫав ҫӑкӑр сӑмсине тӑхӑр татӑк туса виҫӗ ҫӗрелле виҫшер татӑкӑн ывӑтса яраҫҫӗ.

Вилли-ҫӗтти пӗтӗмпех, вил таврашӗ пӗтӗмпех сапаланса кайтӑр, сапалатса яратӑп.