213-мӗш кӗлӗ

Кил-йыш чунӑмпа, ачам-пӑчампа, ҫичӗ тӗслӗ тыррӑм-пуллӑмпа, виҫӗ тӗслӗ выльӑхӑм-чӗрлӗхӗмпе! Усал ан ту, ҫырлах! Усала аякка сир, ырра хирӗҫ ту! Ҫырлах пирӗншӗн! Сана паратӑп кӗмӗл нухрат, ҫырлах! Шывран-шуртан, вутран-кӑвартан ҫырлах! Килес инкекрен ҫӑл, усал ан ту!

Ҫут кӳлте выртан Ырӑ, ҫырлах! Сӗт пек, шыв пек тасат! Ҫырлах! Сана ҫӑмӑл пултӑр!

Ҫырлах, Пихампар! Сана паратӑп юсман, шерпет. Усал ан ту! Хӑвӑн йыттусене чар, ирӗке ан яр! Ҫырлах!