Пилсемпе кӗлӗсем

1007-мӗш кӗлӗ

Чипер ӗҫлесе тырра-пулла пуҫтарма ырлӑх-сывлӑх пар. Ача-пӑчасемпе, выльӑх-чӗрлӗхӗмпе, чӑх-чӗппӗмсемпе ӗҫсе ҫимешкӗн чипер алла илмелӗхне пар, пӳр, Турӑ! Ҫил-тӑвӑлтан чипер сыхла. Ман каҫалӑк ҫавӑн пек ӳсӗнсе пытӑр. Пилӗк таврашне ан ыраттар. Ана вӑйне пар, киле таврӑнсан хӑйма пар, итем тулли капан пар, кӗлет тулли е ыраш, е сӗлӗ, е пӑри пар. Арча тулли укҫа пар. Илнӗ тӗлтен ан иксет, панӑ тӗлтен ан палӑрт. Хурӑнташ-ӑрусемпелен, ял-йышсемпелен, кӳршӗ-аршӑпалан лайӑх ӗҫсе-ҫиме пар, ушлӑхне пар. Ҫилтен, тӑвӑлтан, пӑрлӑ ҫумӑртан упра, сыхла. Сана, ана кӗтӳҫӗ — ана Турри — ана пай парса хӑваратӑп.