Пилсемпе кӗлӗсем

Эй, тырӑ-пул ҫуратан-ӳстерен Турӑ, сана ҫӗнӗ тыр-пулпа асӑнатӑп. Тата акнӑ тырра-пулла хулӑм пар, килес ҫул тата нумайрах сӑра туса ачам-пӑчампа, килӗм-йышӑмпа савӑнма пар мана, халӗ кил-йышпа асӑнатӑп та хӗле хӑна кӗртсе ялӑм-йышӑмпа, хӑнам-вулампа асӑнатӑп. Ҫырлах, Турӑ, мӗн ӗмӗтленнӗ ӗмӗте, мӗн шухӑшланӑ шухӑшӑма ҫитер, ҫырлах.

Эй, пӗсмелле, ҫырлах, Турӑҫӑм-Пӳлӗхҫӗм, хире кӑларсан хирте перекетне пар. Тыррине тутлӑхне, тӗпне питлӗхне пар.