Пилсемпе кӗлӗсем

Тата ача типшӗм пулсан, ӑна нишлеҫҫӗ. Ӑна юмӑҫ карчӑк нишлет, анчах ҫӑкӑр хывнӑ кун кирлӗ. Юмӑҫ карчӑк патне илсе пыраҫҫӗ те, кӑмакана ҫӑкӑр хывсан юмӑҫ карчӑк ачана илсе ҫӑкӑр кӗреҫи ҫине хурать те кӑмакана хирӗҫ виҫҫӗччен ҫӗклет. Ҫак кӑмакара ҫӑкӑр епле хӑпарса пиҫет, ача та ҫапла хӑпартӑр тесе. Унтан тата ниш курӑкне вӗретсе ун шывӗпе ачанӑн ҫан-ҫурӑмне ухать (ҫав ниш курӑкне вырӑсла ландыш теҫҫӗ).

Унтан кайран, ӑнсӑртран ача ӳтленсен, ҫапла нишлеттертӗмӗр те ачана тин ӳт кӗчӗ теҫҫӗ.