Пилсемпе кӗлӗсем

1161-мӗш кӗлӗ

Тӑван йывӑр чухне кирлӗ, савӑнӑҫра ют ҫын та юлташ. Ахальтен мар тӑван тӑварпа пиҫнӗ теҫҫӗ. Тӑван хӑй тӑванӗн хуйхине курсан алӑ ҫупса тӑрас ҫук, хута кӗме чупса пырать, шыва сикет, вута кӗрет. Тӑшман апла тӑвать-и?

Хытӑ чӗреллӗ тӑван та, ултав чунлӑ тӑван та хӑй тӑванне пӗлетех. Ҫилленсен те, хирӗҫсен те каҫарма пӗлес пулать. Тӑнсӑр ҫын кӑна тӑванне начар тӑвать. Начар тӑван та кирлӗ кунра кирлӗ пулать, начар лаша та ҫуркунне суха тӑвать, ака-ҫарана шуратать. Япӑх тӑван та нимене пырсан пӗр туртанах туртать, усӑ тӑвать. Тӑвана лайӑх-начар ҫине ан уйӑрӑр.