1008-мӗш кӗлӗ

Пилӗк юсман, пӗр пашалу тата пӑтӑ пӗҫереҫҫӗ. Пӗр чашӑк ҫине пӑтӑ антараҫҫӗ, ун ҫине пашалуне хураҫҫӗ. Юсманпа йӑвачине пӗр чашӑкпа сӗтел ҫине лартаҫҫӗ. Вара чӳклекен ҫапла кӗлтума тытӑнать:

Ҫӗнӗ тырӑ йӗркипе сана асӑнатӑп, ана ҫинчи аслӑ Ырӑ амӑшӗ, чӳк, ҫырлах. Тыррӑм-пуллӑмпа, выльӑхӑм-чӗрлӗхӗмпе тӗрӗс-тӗкел тӑма пар, чӳк, ҫырлах. Ачам-пӑчампа, килӗм-ҫуртӑмпа сана асӑнатӑп, чӳк, ҫырлах!

Тата кӗҫӗн Ырӑ амӑшне те ҫаплах асӑнаҫҫӗ.